Konkursi për mbështetjen e projekteve të OSHC-ve në Mal të Zi

Instituti për Media në Mal të Zi (IMMZ)

në kuadër të projektit

“Diagnoza dhe terapia e lirisë së shprehjes, gjuhës së urrejtjes dhe tensioneve etnike”

shpall

K O N K U R S

për mbështetjen e projekteve të organizatave të shoqërisë civile (OShC) në Mal të Zi

 

Propozimet e projekteve, të cilat duhet të kontribuojnë për rritjen e vetëdijes për dëmshmërinë e përhapjes së gjuhës fyese dhe gjuhës së urrejtjes dhe të dezinformatave, si dhe për qasje më proaktive për parandalimin dhe luftimin e formave të tilla të komunikimit të palejuar dhe të paligjshëm, mund të dorëzohen deri më 15 korrik 2022, ora 12:00.

Qëllimi i përgjithshëm i konkursit: Forcimi i kapaciteteve të organizatave të shoqërisë civile (OShC) për të kontribuar për promovimin e të drejtave të pakicave, shkëmbimin e praktikave më të mira, mbrojtjen e grupeve vulnerabël dhe përmirësimin e marrëdhënieve ndërnjerëzore, me synim për të ruajtur dhe mbrojtur lirinë e fjalës dhe të drejtat e njeriut në Mal të Zi.

Në konkurs mund të aplikojnë OShC-të malazeze që plotësojnë kriteret e mëposhtme:

  • të kenë statusin e personit juridik;
  • janë të llojit jofitimprurës;
  • janë drejtpërdrejt përgjegjëse për përgatitjen dhe menaxhimin e projektit;
  • janë regjistruar në Mal të Zi të paktën 12 muaj përpara afatit të fundit për dorëzimin e projekt propozimeve;
  • të kenë selinë në Mal të Zi;
  • të kenë të ardhura vjetore në vitin 2021 më pak se 50 000 €.

Për të aplikuar në konkurs është e nevojshme të plotësoni Formularin e Aplikimit dhe Propozimin e Buxhetit. Udhëzimet për dorëzimin e propozimeve për projekte duhet të lexohen me kujdes përpara se të plotësohen këto formularë.

Për organizatat, projektet e të cilave do të mbështeten, përveç mbështetjes financiare, do të ofrohen trajnime për menaxhimin e projekteve si dhe mbështetje e vazhdueshme mentoruese gjatë zbatimit të projektit.

Aplikimet e plota (formulari i aplikimit dhe propozimi i buxhetit – të plotësuar), së bashku me dokumentacionin e nevojshëm teknik shoqërues të paraqitur në seksionin 3.1 Udhëzimet për dorëzimin e propozimeve për projekte, duhet të dërgohen në adresën e-mail grantovi@mminstitute.org me shënimin “Për konkursin për përkrahjen e projekteve të organizatave të shoqërisë civile (OShC) në Mal të Zi”.

Projekt propozimet dorëzohen deri më 15 korrik 2022, ora 12:00.

Në rast paqartësish, mund të merrni informacione shtesë duke dërguar pyetje në adresën e-mail grantovi@mminstitute.org deri më 15 korrik 2022.

Gjatë konkursit, Instituti i Mediave në Mal të Zi do të mbajë një sesion informativ, gjatë të cilit do të prezantojmë këtë thirrje, temat dhe kushtet e konkursit dhe do t’u përgjigjemi pyetjeve të përfaqësuesve të OShC-ve të interesuara për të dorëzuar projekt propozimet. Data dhe mbajtja e sesionit informativ do të publikohet në www.mminstitute.org.

Mjetet e ndara për këtë konkurs janë me vlerë 20 000 euro, kurse projektet individuale do të përkrahën me vlerë deri në 5 000 euro. Kohëzgjatja e projektit duhet të jetë nga 6 deri në 8 muaj. Shënim: Zbatimi i projektit duhet të përfundojë brenda datës 31.03.2023.

Projekti Diagnoza dhe terapia e lirisë së shprehjes, gjuhës së urrejtjes dhe tensioneve etnike është një iniciativë e përbashkët e Institutit të Medias në Mal të Zi (IMMZ),  Qendrës për Demokraci dhe të Drejtat e Njeriut (CEDEM) dhe Ul-info, që synon forcimin dhe mbrojtjen e lirisë së shprehjes, luftimin e gjuhës së urrejtjes dhe uljen e tensioneve etnike në Mal të Zi. Projekti financohet nga Bashkimi Evropian përmes Instrumentit Evropian për Demokraci dhe të Drejtat e Njeriut për Mal të Zi 2020, EIDHR kurse bashkëfinancohet nga Ministria e Administratës Publike, Shoqërisë Digjitale dhe Mediave të Malit të Zi. Projekti do të zbatohet në periudhën 01.01.2022 – 01.07.2023. Qëllimi i përgjithshëm i projektit është të kontribuojë për zhvillimin dhe konsolidimin e demokracisë dhe sundimit të ligjit dhe respektimin e lirive themelore, duke filluar nga forcimi i lirisë së shprehjes, luftimi i gjuhës së urrejtjes dhe ulja e tensioneve etnike në Mal të Zi.

Leave a Reply

Your email address will not be published.

CEDIS: TË HËNËN DHE TË MARTEN PA RRYMË NJË PJESË E KOMUNËS SË ULQINIT
CEDIS: TË HËNËN DHE TË MARTEN PA RRYMË NJË PJESË E KOMUNËS SË ULQINIT

Nga Sistemi malazez i elektroshpërndarjes (CEDIS) thanë për Portalin Ul-info se të hënën dhe të marten, më 27 dhe 28 qershor, në periudhën, pa energji elektrike do të jenë vendbanimet e mëposhtme: të hënën,

Të hënën vazhdimi i mbledhjes të KK: NË REND TË DITËS EDHE ZGJEDHJA E NËNKRYETARËVE
Të hënën vazhdimi i mbledhjes të KK: NË REND TË DITËS EDHE ZGJEDHJA E NËNKRYETARËVE

Kryetari i Kuvendit të Komunës së Ulqinit Ardian Mavriq caktoi për të hënën, datë 27.06.2022., me fillim nga ora 11:00, vazhdimin e mbledhjes së Dytë të seancës së parë të rregullt të Kuvendit të Komunës

Zëri: Shkolla e parë shqipe u hap më 1258 në Ulqin
Zëri: Shkolla e parë shqipe u hap më 1258 në Ulqin

Shkolla shqipe ka një traditë të gjatë. Nga hulumtimet e deritashme që kanë gjetur dhe publikuar studiuesit dhe gjuhës shqipe, shkollës shqipe dhe historisë së shqiptarëve vërtetohet se shkollat shqipe

Fakulteti në Ulqin: REGJISTRIMI I GJENERATËS SË RE TË STUDENTËVE PËR VITIN AKADEMIK 2022/23
Fakulteti në Ulqin: REGJISTRIMI I GJENERATËS SË RE TË STUDENTËVE PËR VITIN AKADEMIK 2022/23

Fakulteti i Studimeve të Biznesit Mesdhetar në Ulqin bëri të ditur se janë në vazhdim regjistrimet në studimet themelore akademike për vitin 2022/23. Siç thuhet, të gjitha informacionet mund të merren

Komuna: SOT FILLON ASFALTIMI I RRUGËVE TË GËRMUARA
Komuna: SOT FILLON ASFALTIMI I RRUGËVE TË GËRMUARA

  Komuna e Ulqinit njoftoi se të premten do të fillojë asfaltimi i rrugëve të gërmuara, i cili do të zgjasë disa ditë. Vetëqeverisja lokale u ka kërkuar falje qytetarëve që kanë vuajtur nga kjo situatë,