Para Kongresit të Partisë demokratike të socialistëve, i cili do të mbahet më 20 qershor, do të organizohen konventat komunale zgjedhore.
Siç është planifikuar, konventa e socialistëve të Gjukanoviqit në Ulqin do të mbahet nga mesi i prillit.
Në mbledhjet e fundit të Këshillit ekzekutiv dhe komunal të partisë, të cilët janë mbajtur në fillim të javës, koordinatorët e qendrës për Ulqin, dr Sanja Vllahoviq dhe Goran Jevriq, kanë folur për nevojën e përtëritjes së udhëheqësisë të PDS-së në Ulqin.
Kjo ndoshta do të thotë se në konventën zgjedhore të prillit mund të pritet “ndryshimi i gjeneratave” në këtë parti në nivel komunal.
