KOSOVARËT: SHQIPËRIA ËSHTË VEND I PASIGURT

Policia e Durrësit bëri të ditur të enjtën se ka arrestuar katër të rinj, të cilët në mbrëmje të mërkurës kanë grabitur me armë pushuesit kosovarë në plazhet e këtij qyteti.

Policia e Durrësit bën me dije se në pranga kanë përfunduar shtetasit Leonard Fierza, Hasan Tosku 21 vjeç, Haki Nuci 24 vjeç, Jetmir Mera 19 vjeç.

Tre prej tyre janë nga Burreli dhe njëri nga Shkodra.

Por pavarësisht këtij lajmi, e përditshmja kosovare Zëri shkruan se rrugët e Shqipërisë janë të pasigurta.

Sipas kësaj të përditshme, grabitjet e udhëtarëve madje edhe në Rrugën e Kombit, thyerja e xhamave të autobusëve kosovarë, ka rikthyer në kujtesë periudhën e anarkisë dhe bandave.

Por ndërsa zyrtarë të policisë shqiptare thonë për Zërin se kjo është propagandë mediatike, qytetarët ndjehen të pasigurt.

Një kosovare thotë se po mendon të anulojë udhëtimin në Shqipëri pasi ka dëgjuar lajmet për grabitje.

Ajo shton se ai që quhet bashkëpunim mes policisë së Kosovës dhe asaj të Shqipërisë po bëhet vetëm për të vënë gjoba.

Kurse Merita Visoka shprehet: “Kam ardhë nga Gjermania me shpresën që me i kalue pushimet në Shqipëri, por tash që po i dëgjoj këto lajme që udhëtarët janë duke u plaçkitur nëpër rrugët e Shqipërisë, zor se mund të shkoj. Thjesht kam frikë se nuk ndihem e sigurt që të udhëtoj, e aq më pak të shkoj për pushime atje”.

Zëdhënësi i policisë së Kosovës, Baki Kelani thotë për Zërin: “Kemi kërkuar nga autoritetet policore të Shqipërisë njëkohësisht që të rriten masat e sigurisë në ato lokacione ku kryesisht kanë ndodhur incidentet. Policia e Kosovës vazhdon të jetë prezent në kuadër të marrëveshjes që ka me Policinë e shtetit shqiptar, me qëllim të ofrimit të mëtutjeshëm të sigurisë, kryesisht sigurisë në komunikacionin rrugor për të gjithë qytetarët e Republikës së Kosovës që kalojnë në atë pjesë”./ (TemAonline)

Leave a Reply

Your email address will not be published. Required fields are marked *

Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS
Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS

Këtë vit bëhet gjysmë shekulli nga fillimi i funksionimit të Qendrës naturiste në Adë të Bunës. Në korrik të vitit 1973 u pritën mysafirët e

Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT
Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT

Me rastin e fillimit të realizimit të projektit “Furnizimi me ujë dhe rregullimi i ujërave të zeza në bregdetin e Adriatikut – V, Ulqin”, kryetari

Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT
Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT

Kryeministri i Malit të Zi, Dritan Abazoviq, në fillim të javës së ardhshme do të qëndrojë për vizitë zyrtare në Komunën e Ulqinit. Delegacioni me

Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ
Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ

Kompania “Becovic Management Group” është duke punuar në rikonstruksionin e hotelit të saj “Mediteran”. Siç theksohet, deri në maj të këtij viti do të përfundojnë

Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS
Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS

Kryeministri i Malit të Zi Dritan Abazoviq bëri të ditur që së shpejti pritet të përfundojë adaptimi dhe rindërtimi i Urgjencës në Ulqin. Sipas tij,