Në tenderin për qiramarrje të Kripores, i cili është shpallur më 18 tetor, deri tani nuk ka mbërritur asnjë ofertë zyrtare. Por, ka disa kompani të cilat kanë shprehur interesimin të marrin këtë ndërmarrje më të vjetër të Ulqinit, njoftoi administruesi i falimentimit Ognjen Jovoviq.
Ai theksoi që, megjithatë, do të ishte joserioze të flitet për emra, para se të merret oferta zyrtare.
Afati për dorëzimin e ofertave për bashkëpunim ekonomik-teknik në Kripore është i hapur deri më 18 nëntor.
