Punëtorët e Kripores kanë hyrë sot në ditën e pestë të grevës së urisë, që do të thotë që gjendja e tyre shëndetësore po komplikohet. Por, përgjigje konkrete për kërkesat e tyre të cilat i kanë deklaruar kur kanë ndërprerë punën, më 21 janar, nuk ka akoma.
Dje nuk i ka vizituar askush, ndërsa sot presin vizitat e disa deputetëve nga Parlamenti shtetëror.
Pritet që në dy ditët e ardhshme punëtorët do të kryejnë të gjitha formalitetet rreth regjistrimit të ndërmarrjes „Kriporja e re“, si dhe që do të vazhdojnë negociatat me administruesin dhe gjykatësin e falimentimit rreth qiramarrjes së fabrikës.
