Administrata e falimentit në Kripore ka shpallur dje thirrjen publike për dhënien e ofertës për qiramarrje të kësaj kompani apo për bashkëpunim ekonomiko-teknik.
“Prodhuesit e interesuar janë të detyruar që të organizojnë prodhimin dhe përpunimin e kripës në terrenet dhe me pajisjet e Kripores apo të kryejnë veprimtari të ngjashme që janë në përputhje me potencialet hapësinore, natyrore dhe materiale të ndërmarrjes”, thuhet në këtë akt.
Nga Kriporja në shitje janë ofruar rreth 3500 tonë kripë, me çmim fillestar prej 39 euro për tonë.
