Mbas grumbullimit relativisht të mirë, Kriporja vazhdon rënien e lirë. Kjo ndërmarrje më e vjetër e Ulqinit është pa rrymë elektrike dhe ujë, punëtorëve ju detyrohet shtatë rroga, shitja e kripës po shkon dobët, edhe pse tani është koha e saktë për këtë punë.
Ministria e ekonomisë pak kohë më parë ka lajmëruar që kompania, e cila tash dy vite ndodhet në falimentim, është në procesin e likuidimit.
Për nevojat vjetore të Malit të Zi janë të nevojshme rreth 3.5 mijë tonë kripë, ndërsa pjesa tjetër e kripës së përpunuar plasohet në tregun e Kosovës, Serbisë jugore dhe BdheH.
Para pesë viteve Kriporja e Ulqinit ka plasuar në treg paketimin e ri të kripës me logon “Prodhim i dashurisë, diellit dhe detit”. Që bëhet fjalë për kripën më të mirë në tregun regjion, e kanë vërtetuar institucionet që kanë kryer kontrollin e cilësisë së ushqimit.
Kriporja në Ulqin është themeluar në vitin 1934 dhe është njëra nga dhjetë kripore më të mëdha dhe më të reja në Mesdhe.
