Organizata sindikale e Kripores i ka thënë udhëheqësisë së kësaj ndërmarrje më të vjetër në Ulqin që, nëse nuk i paguhen pagat sipas marrëveshjes, ato to të iniciojnë grevën prej 21 janarit.
“Puna e vështirësuar shumëvjeçare ka arritur kulmin ditët e fundit. Marrëdhënia jokorrekte e udhëheqësisë ndaj të punësuarve dhe pagat e papaguara shumëvjeçare mbysin çdo shpresë që nga puna e jonë mund të ushqejmë familjet tona”, thuhet në shkresën e sindikatës të dërguar drejtuesit në falimentim Ognjen Jovoviq.
Anëtarët e sindikatës pohojnë që çdo ditë në Kripore prodhohet dhe paketohet sasi e konsiderueshme e kripës, por që punëtorët nga kjo nuk kanë dobi.