Administratori i falimentimit të Kripores Ognjen Jovoviq ka deklaruar që kontratat e punës të punëtorëve të kësaj ndërmarrje, të cilat kanë skaduar sot, janë shtyrë edhe për një muaj. Ai në mbledhjen e Komisionit për përcjelljen e procesit të privatizimit në Kuvendin e Malit të Zi tha që nuk ka aktivitet të posaçëm dhe që punëtorët nuk kanë çfarë të punojnë.
Kryetari i Komisionit Janko Vuçiniq nga Fronti demokratik ka thënë që pronari i tanishëm i Kripores nuk ka dëshiruar të ketë prodhim por ka dashur që hapësirën prej 15,2 milion metër katror ta shndërrojë në tokë ndërtimore dhe pastaj ta shes.
Përfundimi i kësaj mbledhje është që Kriporen duhet ruajtur si resurs i madh i Ulqinit dhe i gjithë vendit, sidomos për arsye se ajo i ka të gjitha kushtet të punojë pozitivisht.
