Nga organizata sindikale e Kripores është lajmëruar që punëtorët e kësaj ndërmarrje më të vjetër në Ulqin prej sot do të tubohen para ndërtesës së komunës së Ulqinit. “Me tubimet e përditshme njëorëshe dëshirojmë të tërheqim vëmendjen të gjithëve përgjegjës për gjendjen e vështirë të të punësuarve në atë kolektiv në falimentim”, tha kryetari i shoqatës së punëtorëve në Kripore Marko Miranoviq.
Punëtorët e Kripores kanë paralajmëruar që nesër do të bëjnë shëtitje protestuese në Podgoricë, nga Ministria e ekonomisë duke vazhduar kah Eurofondi dhe Kuvendi i Malit të Zi deri tek ndërtesa e Qeverisë.
