Kryetari i Kuvendit të Malit të Zi Ranko Krivokapiq ka deklaruar që ky institucion me kërkesë të opozitës nuk do të diskutojë rreth festimeve të cilët mbas ndërprerjes së ndeshjes Serbi-Shqipëri janë organizuar në Ulqin, Tuz dhe Plavë.
“Për këtë çështje sigurisht nuk do të diskutohet në nivel të plenumit ose Kolegjiumit. A do të merret ndonjë këshillë me këtë, kjo është çështje tjetër”, tha ai.
Sipas fjalëve të tija, as incidenti në gjimnazin e Tuzit nuk është në nivel të cilin disa dëshirojnë ta paraqesin.
Krivokapiq tha se tentohet që atmosfera e viteve 90 të përcillet në Mal të Zi.
Në deklaratë për “Vijesti” lideri i Unionit demokratik të Shqiptarëve Mehmet Zenka vlerësoi që të martën në mbrëmje “i vetmi mëkat i rinisë së Ulqinit ishte që spontanisht dhe shkurt kanë bllokuar rrugën dhe që guxuan të përkrahin skuadrën përfaqësuese në futboll të shtetit amë”.
