Kryetari i Partisë socialdemokrate të Malit të Zi Ranko Krivokapiq ka ftuar Prokurorinë shtetërore që të merret me privatizimin kontestues të Kripores.
“Paralajmërojmë prokurorinë që të zgjidhë aferat për të cilat ekzistojnë dyshime serioze, e diku edhe prova për përfshirjen e zyrtarëve të PDS-së, ish dhe të tanishëm, ose të manjatëve të tyre”, tha Krivokapiq në intervistë për “Monitor”.
Ai tha se rezultatet e deritashme të prokurorisë në rastin e Kripores janë negative, që, siç shtoi, forcon zërin e atyre që nuk kanë besim në Prokurorinë speciale shtetërore.
