Këshilltarët e Kuvendit komunal të Ulqinit nesër nuk do të votojnë për ndarjen e mirënjohjes “qytetarë nderi i Ulqinit” ish ambasadores gjermane në Mal të Zi Gudrun Shtajnaker dhe kryetarit të Republikës së Shqipërisë Bujar Nishanit, mëson Portali Ul-info.
Nga shërbimi i Kuvendit thonë se propozimet nuk kanë plotësuar kushtet procedurale që të jenë në rend të ditës të mbledhjes.
Siç thuhet, duhet ndryshuar Statuti i komunës, pastaj ndryshimet te dalin në Fletë zyrtare, e në bazë të kësaj të sillet rregullorja se kush, pse dhe për ç’arsye mund të shpallet qytetarë nderi i Ulqinit.
Propozimin që Shtajnakeres t’i ndahet mirënjohja në qershor të vitit të kaluar e dorëzoi Këshilli komunal i PSD-së, ndërsa për Nishanin kryekomunari Nazif Cungu.
