Kumtesë për opinion e Klubit të futbollit “Otrant Olimpik”.
Pas një sërë takimesh të udhëheqësish dhe lojtarëve të KF “Otrant Olimpik” me drejtuesit e Komunës së Ulqinit, konkretisht me nënkryetarin Arian Murati, jemi rakorduar që të hënën, në ora 15, të fillojnë përgatitjet për fazën e dytë të garës.
Po ashtu, u arrit marrëveshja që Komuna të shlyejë detyrimet ndaj lojtarëve dhe trajnerëve në ditët e ardhshme.
Në mbledhjen e fundit ishin të pranishëm edhe trajneri i skuadrës Xhemal Kapllanbegu, si dhe kapiteni i klubit Arian Senika, i cili para lojtarëve deklaroi se ato nuk pranojnë dorëheqjen e kryetarit të klubit Skender Rexhës.
“Dëshirojmë që të vazhdojmë garën dhe bashkëpunimin me Rexhën, sepse ai gjithmonë ishte pranë lojtarëve, klubit dhe tifozëve”, tha Senika.
