Këshilli komunal i PSP (SNP) Ulqin ka deklaruar të hënën që është e nevojshme sa më pare të caktohet mbledhja e Parlamentit lokal në mënyrë që të analizohen ngjarjet në tërësi në qytet në periudhën e kaluar, e sidomos në lidhje me aktivitetet e Kuvendit komunal të Ulqinit. “Por, është e paqartë se a do të caktohet fare mbledhja e Kuvendit komunal të Ulqinit, apo a do të lihen qytetarët, përfaqësuesit e të cilëve qëndrojnë në Kuvend, të hamendësojnë se çka përgatitet në prapaskenë”, thonë nga kjo parti.
“Në çdo rast, status quo është gjendja më e keqe për qytet, sepse gati të gjithë, kur bëhet fjalë për privilegje janë pushtet, ndërsa në momentin tjetër, edhe pse jo dhe aq në skenën publike, janë opozitë. Përfundimisht, kjo gjendje i kushton shumë taksa paguesit, gjë që për ne është absolutisht e papranueshme”, përfundohet në kumtesën e Partisë socialiste popullore të Ulqinit.
