Shefja e Klubit të këshilltarëve të Lëvizjes qytetare URA Arijana Kurmemoviq ka ftuar kryetarin e Kuvendit komunal Fuad Haxhibetin që urgjentisht të thërras mbledhjen e re të Parlamentit lokal.
“Është fakt që ne akoma nuk e kemi të caktuar mbledhjen në të cilën do të shqyrtohet buxheti për vitin e ardhshëm edhe pse ekzekutivi këtë dokument ia ka dorëzuar nga mesi i muajit shërbimit të Kuvendit, ndërsa ne nuk e kemi fituar”, tha ajo duke theksuar se sjellja e tillë e papërgjegjshme nuk guxojë të vazhdojë.
Kurmemoviq shtoi se po ashtu është e nevojshme të miratohet një sërë vendimesh tjera të rëndësishme të cilët janë në sirtarë, siç janë disa plane detaje urbanistike, programi i lokacioneve të përkohshme, programi i rregullimit hapësinor, Plani strategjik i zhvillimit të Komunës…
“Për shkak të interesave personale dhe partiake nuk guxojnë të vuajnë qytetarë, të punësuarit dhe ekonomia në tërësi”, përfundoi ajo.
