Kuvendi i aksionarëve të Ndërmarrjes hotelerike – turistike “Riviera e Ulqinit” ka miratuar të marten Vendimin për qiradhënien afatgjate të një pjese të pronës – objekteve të ndërmarrjes dhe kanë dhënë pëlqimin për Kontratën për qiramarrje të kompleksit të NHT Riviera e Ulqinit SHA Ulqin nga ana e kompanisë “Karisma”.
Kundër këtyre vendimeve votuan aksionarët pakicë, të cilët theksuan se bëhet fjalë për akte të paligjshme, të dëmshme dhe jotransparente juridike.
Drejtori ekzekutiv i “Rivierës” Radomir – Mikan Zec tha se shpreson që aranzhmani me Karismen mund të jetë i mire për Ulqin dhe Malin e Zi. “Qeveria e Malit të Zi ka përgjegjësi të madhe në këtë proces, veçanërisht duke pas parasysh privatizimet e këqija në Ulqin”, shtoi ai.
