Kryetari i Kuvendit komunal të Ulqinit Fuad Haxhibeti është përgjigjur pozitivisht në letrën të cilën ia dërguan drejtori ekzekutiv i MOGUL-it Xhemal Peroviq dhe drejtori i OJQ “Horizonti i ri” Nazif Veliq mbi pjesëmarrjen e sektorit civil nëpërmjet institutit “karriga e lirë” në mbledhjet e parlamentit lokal.
Ato po ashtu kanë kërkuar nga Kuvendi komunal që përveç komisionit për mbrojtjen e mjedisit jetësor dhe për emërimin e rrugëve, vendbanimeve, shesheve dhe institucioneve, të formohet trup i ngjashëm për përmirësimin e pozitës së njerëzve me invaliditet dhe aftësi të kufizuara, si dhe që anëtarët e tyre të jenë përfaqësues të OJQ-ve.
Peroviq dhe Veliq kanë theksuar rëndësinë e formimit të Këshillit për zhvillim dhe mbrojtje të vetëqeverisjes lokale.
