Këshilltarët e Kuvendit komunal të Ulqinit do të vazhdojnë të premten mbledhjen e dytë të seancës vjeshtore. Siç u paralajmërua, në rend të ditës, përveç të tjerave, do të jetë edhe rebalanci i buxhetit për vitin 2016 dhe buxheti për vitin e ardhshëm.
Këshilltarët do të diskutojnë për Propozim vendimin për vlerën e tregut të patundshmërive për vitin 2017 dhe për propozimin e rritjes së taksës së banimit.
Për arsye se nuk e ka pëlqimin e Qeverisë, Kuvendi komunal të mërkurën, me shumicë votash, ka vendosur që në rend të ditës mos të jetë propozimi i pushtetit ekzekutiv për kompensim komunal.
