Kryetari i Kuvendit komunal të Ulqinit Fuad Haxhibeti ka caktuar për të martën, më 16 shkurt, mbledhjen e jashtëzakonshme të Parlamentit lokal, shkruan gazeta “Dan”.
Siç theksohet, në rend të ditës do të ketë disa plane, si dhe Plani i objekteve të përkohshme për këtë vit.
Përndryshe, këtë mbledhje që më 15 janar e ka iniciuar kryetari i Komunës Fatmir Gjeka.
Ai këto ditë kërkoi që të mbahet mbledhja e jashtëzakonshme në të cilën do të diskutohej për kompletimin e parcelave urbanistike, miratimin e të cilëve, tash një kohë të gjatë, e presin qytetarët.
