Kryetari i Kuvendit komunal të Ulqinit Fuad Haxhibeti ka caktuar për nesër mbledhjen e parë të Kolegjiumit. Pritet që në atë takim shefat e klubeve të këshilltarëve të dakordohen për rendin e ditës të mbledhjes së ardhshme të parlamentit lokal, e cila duhet të mbahet deri në fund të këtij muaji.
Në atë mbledhje do të miratohet llogaria përfundimtare e buxhetit për vitin e kaluar dhe buxheti për vitin 2014. Pritet që të formohen dhe këshillat e Kuvendit, si dhe të bëhet emërimi i tre nënkryetarëve të Komunës së Ulqinit dhe kryeadministratorit komunal.
