Srgjan Kuzman nga Ulqini deklaroi që nga ardhja e Mikan Zecit në vendin e drejtorit gjeneral të NHT “Riviera e Ulqinit” vuan terror. “Edhe pse rregullisht i paguaj të gjitha detyrimet ndaj Të Mirave detare unë nuk mund të shkoj në shtëpizën time në Adë”, tha ai për “Dnevne Novine”.
Kuzman tha që nuk dëshiron të paguaj kalimin në rrugën publike sepse ajo, siç tha, është haraç i pastër. “Zeci nuk e ka të mjaftueshme rrogën prej tre mijë euro, por përfshihet ku do që mbërrin. Pa tender e ka dhënë tokën me qera e cila është në pronësi të Rivierës, ndërsa në zonën e Të Mirave detare, për shitjen e kallamboqit(misrit), për masazh, ndërsa Sllovenëve ju ka dhënë dhe një pjesë të plazhit. E, këtu ka baza për padi”, tha ai dhe shtoi që kundër Zecit prapë do të ngrejë padi penale.
Kuzman “apeloi tek organet shtetërore dhe tek ato që Zecin e sollën në Ulqin që atë njeri të moshuar ta largojnë nga funksioni dhe ta dërgojnë në pension, sepse koha e tij ka kaluar”.
Në thirrjet e Kuzmanit Zeci për DN tha vetëm që “nuk dëshiron të komentoi gënjeshtrat”.
