Të nderuar nxënës, mësues e prindër,
Të nderuara shqiptare dhe shqiptarë,
Shfrytëzoj rastin që në këtë Ditë të Madhe të gjithë mësuesve, nxënësve, edukatorëve, profesorëve, të gjithë punëtorëve të arsimit dhe të gjithë shqiptarëve, kudo që jetojnë e punojnë, që në emër të Lidhjes Demokratike në Mal të Zi, t’ju uroj 7 Marsin – Ditën e Mësuesit, Ditën e Bekuar të Arsimit Shqip.
Lavdi gjithë atyre që sakrifikuan e ranë në shërbim të shkollës shqipe e shkronjave shqipe, të ruajtjes së embrionit të qenies sonë kombëtare shqiptare.
Respekt po ashtu të gjitë atyre që edhe sot me dinjitet e vetëdije të plot po u mësojnë germat e para të gjuhës sonë të ambël shqipe fëmijëve që për herë të parë, me gëzime e të qeshur hynë në klasën e parë.
Respekt të gjithë atyre mësuesve të cilët, përkundër vështirësive, pengesave dhe ndalesave, po gjejnë mënyra, që nxënësve në shkolla t‘ju mësojnë historinë e të parëve tanë, pa marrë parasyshë programet tona shkollore të gjymtuara.
Respekt për të gjithë ata që po vazhdojnë të mbajnë gjallë pishtarin e arsimit shqip, pishtarin e lirisë…
Gëzuar 7 Marsin – Ditën e Mësuesit!
Me shëndet e me suksese përherë.
Urime!
Ulqin, më 7 mars 2014
MEHMET BARDHI , kryetar i LD në MZ
