Një mik i Ulqinit, me origjinë nga Kotorri, i cili ka jetuar gjatë në SHBA, na ka shkruar këtë mejl:
Unë 20 vite kam jetuar në Kaliforni dhe kam punuar si arkëtar në supermarket. Një mbrëmje më erdhi një zotëri i mirë, mendoj se ishte diplomat i nivelit të lartë. Në arkë solli një kovë 5 litërsh me vaj ulliri të importuar nga Italia, mbaj mend që rafineria quhej FRATELLI BERTOLI. Ky ishte vaj i shtrenjtë dhe unë i thash: Pse e blini këtë vaj të shtrenjtë kur keni vaj ulliri nga Orovilli, nga Kalifornia, i cili është shumë më i lirë se ky vaj. Ai mu përgjigj që Amerika nuk ka vaj të mirë ulliri, sepse trungjet e ullirit janë të rinj, ndërsa për të pasur vaj të mirë të ullirit duhet që ullinjtë të jenë nga trungjet të vjetra, disa shekullore. Kjo më habiti, e para disa muajve në internet lexova reklamën për vaj të ullirit nga Greqia në të cilën qëndron që vaji është nga ullinjtë e vjetër mbi 300 vite.
Ndërsa ju në Ulqin keni mbi 75 mijë rrënjë ullinj të vjetër mbi 350 vjet. Çfarë pasurie dhe cilësie! Vetëm sikur të dinit ta shfrytëzonit këtë.
