Kryetarja e Shoqatës “Dr. Martin Scheider – Jacoby” Zenepa Lika deklaroi se gëzojnë deklaratat e përfaqësuesve të Qeverisë së Malit të Zi se Kriporja e Ulqinit bën pjesë ndër zgjidhjet prioritare.
“Nga dita e themelimit jemi përpjekur ta zgjidhim çështjen kryesore, atë të pronësisë. Nëse se dini e kujt është prona, çdo përpjekje, pavarësisht vullnetit, është në pikëpyetje, sepse askush s’dëshiron të investojë nëse s’din kush është pronari”, tha Lika.
Ajo shpreson se deklaratat e përfaqësuesve të Qeverisë nuk do të mbesin formale siç ishte rasti në të kaluarën.
