Ministrat e punëve të jashtme të Malit të Zi dhe Kosovës Igor Llukshiq dhe Enver Hoxhaj kanë rënë dakord që duhet përmirësuar, siç thanë, marrëdhëniet e shkëlqyera të këtyre dy shtete. “Hapësirë për bashkëpunim akoma më të mirë ka sidomos në ekonomi dhe për këtë arsye duhet të organizojmë biznes forum”, thanë nga Shkupi, në takimin e komisionit të Partneritetit SHBA – Karta e Adriatikut, të shefave të diplomacive të këtyre dy shteteve.
Llukshiqi tha që Mali i Zi do të vazhdoj të jap përkrahje për pjesëmarrjen aktive të Kosovës në iniciativat regjionale dhe organizatat me qëllim forcimin e partneritetit në kontekst më të gjerë.
Po ashtu është thënë që çështjet e demarkacionit të kufirit duhet kryer në afat sa më të shkurtë dhe që duhet të garantohet pjesëmarrja adekuate e pakicës malazeze në Kosovë në Kushtetutën e shtetit më të ri evropian.
