Sot duhet të votohet qeveria e re e Maqedonisë së Veriut, e cila do të ketë mandat 100 ditor.
Kryeministër i kësaj Qeverie do të jetë Talat Xhaferi.
Ai deri tani ishte kryetar i Kuvendit të Maqedonisë së Veriut.
Për herë të parë, në këtë republikë të ish-Jugosllavisë, qeverinë do të drejtojë një shqiptar.
Xhaferi ka dorëzuar në Kuvend përbërjen dhe programin e qeverisë teknike, e cila do të ketë për detyrë të organizojë edhe zgjedhjet e dyfishta, ato parlamentare dhe presidenciale që do të mbahen më 8 maj.
