Kryeministrat e Shqipërisë dhe Serbisë, Edi Rama dhe Aleksander Vuçiq, në 15 ditët e ardhshme do të nënshkruajnë protokollin në mes dy shteteve, ndërsa i tërë projekti I ndërtimit të autostradës Nish-Merdare-Prishtinë-Tiranë-Durrës ka vlerë prej një miliard eurosh, tha nënkryetarja e Qeverisë së Serbisë Zorana Mihajlloviq.
Ajo për RTS tha se autostrada Nish-Merdare-Prishtinë-Tiranë-Durrës është shumë e rëndësishme sepse lidh tërë regjionin.
“Bëhet fjalë për bashkimin dhe stabilitetin politik të tërë regjionit pa të cilin nuk mund të flasim për stabilitetin ekonomik. Kjo autostradë është e rëndësishme sepse lidh regjionin, ndërsa për ne konkretisht është e rëndësishme sepse do të dalim në det nëpërmjet porteve shqiptare”, shtoi Mihajlloviq.
