Në fillim të javës së ardhshme, me siguri të martën, me 5 prill, do të nënshkruhet marrëveshja e pushtetit dhe e një pjese të opozitës për shpalljen e zgjedhjeve fer dhe demokratike, shkruan „Pobjeda“.
Me këtë dokument është paraparë, në mes tjerash, kontrolli efektiv i vendimeve financiare dhe i marrëdhënieve punuese-juridike në vetëqeverisje lokale.
Kështu edhe në Komunë të Ulqinit do të emërohet përfaqësuesi i opozitës i cili do të ketë kompetenca të veçanta dhe qasjen ditore në të gjitha kartelat analitike dhe ndarjen e të gjithë llojeve të ndihmave sociale, si dhe punësimin në organet e shërbimit të vetëqeverisjes lokale në kohë të caktuar dhe të pacaktuar.
