Forca e re demokratike – FORCA nuk do të marrë pjesë në mbledhjen e Kuvendit komunal të Ulqinit i cili të mërkurën do të vazhdoj punën, është deklaruar nga kjo parti.
Siç deklaroi për media kryetari i klubit të FORCËS Fuad Haxhibeti, shumë këshilltarë kanë punë nga të cilat jetojnë. “Tani është kulmi i sezonit kështu që për shkak të obligimeve këshilltarët tanë nuk kishin mundësi të marrin pjesë në mbledhje. Përveç kësaj, akoma vazhdon agjërimi i Ramazanit”, tha ai duke theksuar që FORCA nuk ik nga diskutimi për punën e kryetarit të komunës.
“Kur partnerët tanë të koalicionit flasin për punën e Cungut, ato flasin për punën e kryetarit më të mirë të komunës në Mal të Zi”, shtoi Haxhibeti.
Cungu njëkohësisht deklaroi për “Dan” që askush nuk e konsultoi për kohën e vazhdimit të mbledhjes. “Më e rëndësishme është zgjidhja e problemeve reale të cilat i kemi në kulmin e sezonit, siç është uji, sesa raporti im i punës. Për te mund të diskutojmë më vonë”, tha kryetari i komunës.
