Mbas diskutimit të gjatë, këshilltarët e Kuvendit komunal të Ulqinit të enjten kanë vërtetuar vendimin për Planin e vendosjes së objekteve të përkohshme të cilin më herët e solli kryekomunari Fatmir Gjeka.
Në mbledhjen e cila do të mbahet të hënën do të diskutohet për ndryshimet dhe plotësimet e Planit detaj urbanistik „Fusha e Ulqinit“.
Është bërë verifikimi i dorëheqjes të cilën të mërkurën e dha kryetari i Komunës.
Dorëheqjen në mbledhje e dha edhe kryetari i Parlamentit lokal Fuad Haxhibeti.
Përndryshe, më shumë se një orë ka zgjat harmonizimi rreth pikave të rendit të ditës. Këshilltarët e opozitës, por edhe të koalicionit „Bashkë për të ardhmen e Ulqinit“, kanë kritikuar mënyrën e thirrjes dhe mbajtjes së mbledhjes, në kundërshtim me Statutin e komunës dhe Rregulloren e punës duke thënë se thirrjet për seancë këshilltarët i morën të mërkurën pasdite.
Ato thanë se, nëse dita shihet që në mëngjes, atëherë ky është shenj i keq i fillimit të pushtetit të ri.
