Këshilltarët e Forcës së re demokratike do të përkrahin kandidatin të cilin e propozon PDS-ja për kryetar të Komunës së Ulqinit, mëson Portali Ul-info.
Ky vendim u soll në mbledhjen e Këshillit qendror (KQ) të kësaj partie nacionale shqiptare e cila të marten u mbajt në Ulqin.
PDS i vendosi mbrëmë ultimatum Forcës që deri sot të nënshkruajë dokumentin me të cilin obligohet që do të përkrahë dhe votojë kandidatin të cilin do ta propozojë partia e Gjukanoviqit për kryetar të Komunës së Ulqinit.
Sipas këtij dokument, Forcës do ti takojë funksioni i kryetarit të Kuvendit komunal.
Funksionet tjera në vetëqeverisjen vendore dhe ndërmarrjet publike ku themelues është Komuna do të ndahen në bazë të rezultateve të arritura në zgjedhjet e mbajtura pak kohë më parë.
Në pushtet të ri patjetër do të jenë edhe Partia Demokratike e Fatmir Gjekës dhe Unioni Demokratik i Shqiptarëve i Mehmed Zenkës.
