Mbrëmë në Kala filloi Festivali i katërt i filmit Seanema, të cilin e shpalli të hapur nënkryetarja e Komunës së Ulqinit Hadixha Gjoni.
Në hapjen e këtij manifestimi publiku mund të shihte filmin „Të thyer“.
Gjatë katër ditëve do të shfaqen rreth katërdhjetë filma në tre programe të festivalit.
Temë e edicionit të sivjetmë të festivalit është Identiteti, ndërsa do të ndahen edhe dy çmime – Çmimi i jurisë për filmin më të mirë të shkurtër dokumentar dhe Çmimi i publikut për filmin më të mirë me metrazh të gjatë të festivalit.
Ndërsa të premten u mbajt panel diskutimi i parë „Identiteti – Interaksioni – Intriga“ në Bibliotekën e Qytetit në Ulqin, në të cilën folën prof. Janko Lumoviq dhe regjisorja Lidija Zelloviq.
