Shfaqja e njohur e “Teatrit 303” nga Kotorri, komedia “Na kotorskom dvoru”(Në pallatin e Kotorrit), u luajt mbrëmë në Sallën e madhe të Qendrës për kulturë në Ulqin dhe tregoi se ulqinakët i ka marr malli për ofertat kulturore.
Mbi 200 njerëz mbrëmë shikuan dhe me ovacione kanë përshëndetur aktorët e kësaj shfaqje.
Këtë komedi e ka shkruar dhe drejtuar Dragan Buzdovan. “Shfaqja është e ndërthurur me humor dhe pasqyron realitetin dhe paralajmëron të gjithë ato që mund të përmirësojnë realitetin”, tha ai për Portalin Ul-info duke theksuar se për ardhjen e tyre në Ulqin falënderim i veçantë për angazhim i takon drejtorit të Qendrës për kulturë Astrit Salaj.
