Të mërkurën në Galerinë e Qendrës për kulturë në Ulqin është mbajtur koncerti tradicional i nxënësve të Shkollës fillore për muzikë dhe balet.
Siç tha drejtoresha e këtij institucioni, Fatime Katana Buzuku, koncerti është një dhuratë qytetit për Ditën e komunës, e cila festohet të shtunën e parë të muajit prill.
Nxënësit e kësaj shkolle konfirmuan se me talentin e padiskutueshëm, punën e palodhur dhe mbështetjen e mësuesve mund ta përfaqësojnë denjësisht Ulqinin në të gjitha garat.
