Sot në Sallën e Madhe të Qendrës për Kulturë u mbajt seanca solemne e Kuvendit Komunal të Ulqinit për nder të Ditës së kësaj Komune, e cila tradicionalisht festohet të shtunën e parë të prillit.
Në këtë ceremoni, kryetarja e parlamentit lokal Ivana Popoviq dhe kryetari i komunës Genci Nimanbegu iu drejtuan këshilltarëve, mysafirëve dhe qytetarëve të Ulqinit.
U lexuan edhe urimet e dërguara nga zyrtarët më të lartë shtetërorë për udhëheqësitë dhe qytetarët e Komunës së Ulqinit.
U shfaq një program i pasur kulturor dhe artistik, si dhe iu ndanë mirënjohje dr Bahri Cekës, shkrimtarit Hajro Ulqinakut, publicistit Ali Llunjit, kryetarit të FFMZ Dejan Saviqeviqit, Shoqatës së Artistëve dhe Intelektualëve “Art Club” dhe post mortem koreografit Kabil Mehmetit.
