Me rastin e Vitit të Ri Hixhri: MANIFESTIM NË XHAMINË E KLLEZNËS

1450146_253062984842858_1866117088_nMe rastin e Viti të Ri, Hixhri 1435, me 03.11.2013, ditën e diele, Xhamia e Klleznës, në udhëheqjen e Imamit të xhamisë Senad ef. Maku, mbajti manifestimin madhështor për të nderuar ndërrimin e motmoteve dhe për t’i uruar mirëseardhje vitit të ri me dëshirë për bereqet, shëndet, mirëkuptim dhe dashuri anekënd ku gjenden myslimanët.

Përpos kësaj nate të Hixhrit, e veçanta e kësaj ishte ndarja e shpërblimeve dhe dhuratave për nxënësit e Mësim Besimit që kanë përfunduar nivelin e dytë, dhe njëkohësisht dhurata edhe për pjesëmarrësit në këtë manifestim.

Të ftuar ishin Kryeimami i Bashkësisë Islame në Ulqin, Ali ef. Bardhi, Hafiz Jakupi nga Turqia, Imam e Myrtoveli të Xhamive të komunës së Ulqin me rrethinë, dhe pjesëmarrës e mysafirë nga trevat tjera.

Në fillim të Manifestimit mbasi falem namazin e Jacisë, Hafiz Jakupi lexoi disa ajete nga Libri i Allahu xh.sh., Kurani Famëlartë, më pastaj hapjen e bëri imami i xhamisë Senad ef. Maku, fjalën përshëndetëse e mori Kryeimami Ali ef. Bardhi, ku më pas pasoi ligjërata nga Imami i xhamisë së bregut Mirsad ef. Muça i cili foli për rëndësinë e Hixhretit dhe të Mësimbesimit Islam.

Pas përfundim të pjesës së parë të programit , pasoi ndarja e shpërblimeve për 35 nxënësit e Mësim Besimit të Xhamisë së Klleznës. Nxënësit u shpërblyen në bazë të suksesit të arritur gjatë mësimit të vitit akademik 2012/2013, ku morën edhe certifikatat e këtij niveli të sapo përfunduar.

Nga nxënësit shembullorë me notë shkëlqyeshëm, ishin: Riza Kurti, Dorijana Meqikukiq, Edona Kurti, Ardit Kurti, Albina Rexha, Aide Rexha, Xhemale Elezoviq, Edina Elezoviq dhe Blerina Rexha.

Prej këtyre, vendin e dytë e morën: Ardit Kurti, Dorijana Meqikukiq dhe Albina Rexha.

Ndërsa  vendin e parë e mori: Edona Kurti, ku përpos dhuratave tjera iu nda Mirënjohje për nxënësen më të mirë të grupit dhe imami i xhamisë i bërë dhuratë një Tablet për suksesin e treguar gjatë mësimbesimit.

Më pas fjalën e mori hafizi nga Turqia, i cili falënderoj të gjithë për këtë kontribut dhe për organizimin e kësaj mbrëmjeje, duke lutur Zotin që të vazhdojmë me kësi lloj aktiviteti për të mirën e rinisë, të një rinie të shëndoshë islame dhe të vet vendit tonë.

Dhe në fund Kryetari i Këshillit të xhamisë Samir Kurti bëri disa dhurata të veçanta për moshën më të thyer dhe për moshën më të re nga të dyja gjinitë që ishin prezent, duke iu dhuruar nga një dhuratë simbolike, literaturë islame.

Imami i xhamisë si dhe Kryetari i Këshillit të xhamisë i falënderuan të gjithë të pranishmit, të gjithë ato që kontribuan në mënyra të ndryshme për ta realizuar këtë mbrëmje kaq madhështore dhe për dhuratat e dedikuar për nxënësit.

Gjithashtu edhe për të pranishmit të tjerë pati dhurata, dhe në fund të programit u begatua me një koktej të rastit në oborrin e xhamisë.

Gjithashtu ju lajmërojmë të gjithë të interesuarit për të vazhduar me MësimBesimin Islam në Xhaminë e Klleznës, për të vazhduar nivelin e tretë për nxënësit të cilët kanë përfunduar nivelin paraprak, ndërsa fillestarët për tu regjistruar në nivelin e parë. Mësimi fillon me datën 10.11.2013, ditën e Diele, në ora 11:00.

Leave a Reply

Your email address will not be published. Required fields are marked *

Gjekë Gjonaj: SHKA “Tradita”, prezantuese e denjë e vlerave autoktone trashëgimore të Anës së Malit
Gjekë Gjonaj: SHKA “Tradita”, prezantuese e denjë e vlerave autoktone trashëgimore të Anës së Malit

Me këtë emër, në kuadër të Biznis Klubit “Ana e Malit”( BKA-së) në vitin 2013 u themelua ky ansambël me qëllim ruajtjen dhe kultivimin e vlerave kulturore dhe artistike të zonës së Anës së Malit. Kryetari

CEDIS: EDHE TË PREMTEN PA RRYMË NJË PJESË E KOMUNËS SË ULQINIT
CEDIS: EDHE TË PREMTEN PA RRYMË NJË PJESË E KOMUNËS SË ULQINIT

Nga Sistemi malazez i elektroshpërndarjes (CEDIS) thanë për Portalin Ul-info se të premten, më 10 shkurt, në periudhën prej orës 8 deri në 15,00, pa energji elektrike do të jenë këto vendbanime: një pjesë

Presidentja e Kosovës Osmani Sadriu: NË ULQIN NDIHEMI SI NË SHTËPINË TONË
Presidentja e Kosovës Osmani Sadriu: NË ULQIN NDIHEMI SI NË SHTËPINË TONË

“Në Ulqin ndihemi si në shtëpinë tonë. Falënderoj të gjithë ata që hapën shtëpitë dhe zemrat e tyre për mërgimtarët nga Kosova në vitin 1999”, tha Presidentja e Republikës së Kosovës, Vjosa Osmani Sadriu.

Ulqin: PARALAJMËRIM I ARDHJES TË ZINXHIRIT GJERMAN TË SUPERMARKETËVE
Ulqin: PARALAJMËRIM I ARDHJES TË ZINXHIRIT GJERMAN TË SUPERMARKETËVE

Zinxhir i njohur i dyqaneve ushqimore “Lidl” është i interesuar për hapjen e një objekti në Ulqin, mëson Portali Ul-info. Me këtë rast, drejtuesit e asaj kompanie kanë biseduar me kryetarin e Komunës së

Ana e Malit: Filloi ndërtimi i Qendrës së Komunitetit në Krythë
Ana e Malit: Filloi ndërtimi i Qendrës së Komunitetit në Krythë

Me date 2 shkurt 2023 është bërë betonimi i pllakës së Qendrës së Komunitetit Krythë. Ky projekt është një investim që po mbulohet në tërësi nga diaspora e ketijë komuniteti. Objekti ka një sipërfaqe mbi