Kryetarja e Gjykatës supreme të Malit të Zi Vesna Medenica ka njoftuar deputetët Dritan Abazoviq dhe dr. Lilana Gjurashkoviq se rastin “K1” në të ardhmen do ta gjykojë gjykatësja e Gjyqit ekonomik Borjanka Zogoviq.
Abazoviq dhe Gjurashkoviq më herët e njoftuan Medenicen me sjelljen e gjyqtares Millica Popoviq, si dhe përsëritën qëndrimin avokatëve të komunës së Ulqinit se Gjykata ekonomike është jokompetente për këtë lloj kontesti i cili po zgjat tash tre dekada.
Medenica në letër ka thënë se “vërehet që përmes medieve të botuara dhe elektronike po plasohen të dhëna të pasakta për lëndën e kontestit, që ka për qëllim të ndikohet në vendimin e gjykatës, me ç’gjë bëhet presion në pavarësinë e gjyqësorit”.
