Komuna e Ulqinit, Prokuroria themelore shtetërore, Policia e Ulqinit, Gjykata themelore, Qendra për punë sociale, Shtëpia e shëndetit dhe OJQ “Horizonti i ri” kanë nënshkruar sot në kabinetin e kryetarit të komunës Fatmir Gjeka Memorandumin për bashkëpunim.
Me këtë akt nënshkruesit janë obliguar që do të bashkëpunojnë në çështjen e edukimit të fëmijëve dhe të rinjve, shkëmbimin e dijeve dhe ideve, parandalim dhe ndalimin e narkomanisë, sjelljes së papranueshme dhe dukurive tjera negative shoqërore në komunitetin lokal.
Me këtë praktikisht është shënuar fillimi i projektit të cilin e realizon “Horizonti i ri” me përkrahjen e Ambasadës amerikane në Podgoricë.
