Të dashur bashkëqytetarë !
Të dashur miq !
Siç e dini shtuna e parë e muajit prill është Dita e Komunës së Ulqinit.
Kjo ditë përshkon në vehte shumë simbolikë, fundin e korrjes së ullirit, daljen e detarëve në det dhe fillimin e sezonit turistik veror.
Së bashku Ditën e Ulqinit e kemi festuar tradicionalisht prej vitesh, por këtë vit, për shkak të situatës së rënduar epidemiologjike të shkaktuar nga pandemija Covid-19 në Ulqin dhe Mal të Zi dhe numrit të madhë të atyre që kan humbur jetën, këtë vitë Dita e Ulqinit, do të shenohet në mënyrë modeste.
Unë sinqerisht shpresoj që vitin e ardhshëm, do të kemi mundësinë që këtë ngjarje ta shenojmë me aktivitete të larmishme ashtu siç e meriton qyteti ynë dhe qytetarët e tijë.
Tani më e rëndësishmja është , që të gjithë të përqendrohemi sa më shumë në ruajtjen e shëndetit të qytetarëve tanë, si dhe të krijojmë parakushte për një sezonë të mirë turistike verore.
Do të ketë kohë për festime dhe argëtime! Kujdes për shëndetin!
