Drejtori politik i Partisë demokratike të socialistëve Tarzan Millosheviq ka deklaruar që negociatat për formimin e qeverisjes në Ulqin do të fillojnë javën e ardhshme. “PDS do të flasë me të gjitha subjektet politike me të cilat është në koalicion në nivel shtetëror, këtu marrin pjesë të gjitha partitë shqiptare dhe PSD-ja. Ambicioni jonë është që të jetë koalicioni sa më i gjerë me numrin sa më të madh të subjekteve, të cilët do të punojnë për të mirë të Ulqinit, me përkrahjen e Qeverisë së Malit të Zi”, tha ai për “Pobjeda”.
Kryetari i Këshillit komunal të PDS-së Loro Nrekiq tha se nuk dëshiron të jap asnjë deklaratë “derisa mos të përfundoj puna”.
