Ministri i ri i arsimit Predrag Boshkoviq ka thënë se prioriteti i parë i këtij resori qeveritar do të jetë krijimi i infrastrukturës më të mirë në institucionet parashkollore.
Ai theksoi se planifikohet ndërtimi i shtatë objekteve të institucioneve parashkollore, ndër të cilët edhe në Ulqin. Ky objekt duhet të ndërtohet në Fushë të Ulqinit me mjetet e Bankës zhvillimore evropiane.
“Ndërtimi i objekteve të rinj të institucioneve parashkollore do të kontribuojë në realizimin e njërit prej qëllimeve kryesore të përmirësimit të sistemit arsimor në Mal të Zi, e kjo është rritja e përfshirjes së fëmijëve të moshës nga tre deri në gjashtë vjeç me arsim të ri apo parashkollor”, tha ministri Boshkoviq.
