Ministria e ekonomisë ka ftuar të gjithë sipërmarrësit e interesuar që deri më 28 nëntor të lajmërohen për pjesëmarrje në programin e zhvillimit të klasterëve në komunën e Ulqinit.
Programi është i dedikuar sipërmarrësve, ndërmarrjeve të vogla dhe të mesme që punojnë të paktën një vit dhe merren me prodhim dhe përpunim bujqësor, përpunimin e drurit, si dhe me veprimtari tjera prodhuese.
Shtohet që pjesëmarrësit e interesuar duhet të vërtetojnë që në vitin e fundit nuk kishin humbje, që rregullisht paguajnë taksat dhe kontributet dhe kanë kontrata të bashkëpunimit me të paktën tre ndërmarrje në klaster.
