Nga Ministria e kulturës së Malit të Zi kanë njoftuar se në listën e re të të mirave jomateriale do të vendoset edhe zakoni i festimit të Mevludit.
Në krahinat tona festimi i lindjes së profetit të fundit të Zotit Muhamedit, paqja qoftë mbi të, është traditë e rrënjosur tek muslimanët e këtushëm, derisa poemat me titull të njëjtë „Mevlud“ të hafiz Ali Riza Ulqinakut dhe hafiz Salih Gasheviq, dëshmojnë për kuptimin dhe praktikimin e mrekullueshëm të fesë.
„Trashëgimia jomateriale është pjesë shumë e rëndësishme e trashëgimisë, e cila jep ndjesinë e identitetit dhe kontinuitetit, si dhe nxitë respektimin e diversitetit dhe kreativitetit kulturor“, thonë nga Ministria.
