Ditë pushimi në Mal të Zi me rastin e 13 korrikut, Ditës së Shtetësisë, do të jenë e premtja dhe shtuna, njoftohet nga Ministria e Punës dhe e Kujdesit Social.
Organet shtetërore dhe ato të vetëqeverisjes vendore dhe ndërmarrjet dhe subjektet të tjera të cilët kryejnë veprimtari me interes publik janë të obliguar që në ditët e festës të sigurojnë punët me ndërprerjen e të cilëve mund të shkaktohen pasoja të dëmshme për qytetarët dhe shtetin.
Përndryshe, Qeveria ka njoftuar se për shkak të kësaj feste, një ditë është zgjatur afati për legalizimin e objekteve të ndërtuara ilegalisht, gjegjësisht që ai zgjatë deri me 16 korrik.
