Ministria: TË MËRKURËN KONSULTIMET PËR PORTIN E PESHKATARËVE NË KEPIN E GJERANAVE

Ministria e Bujqësisë, Pylltarisë dhe Ekonomisë së Ujërave ka ndërmarrë aktivitetet për zhvillimin e konceptit dhe zgjidhjes ideore për ndërtimin e portit të ri të peshkatarëve në Kepin e Gjeranave – Plazhi i Madh (Komuna e Ulqinit) në kuadër të projektit MIDAS 2, dhe për momentin po e bënë vlerësimin e ndikimeve potenciale të portit në pajtim me Ligjin për Vlerësimin e Ndikimit në Mjedisin Jetësor (Gazeta Zyrtare e Malit të Zi, nr. 75/18) dhe me politikat dhe procedurat operative të Bankës Botërore në fushën e mbrojtjes së mjedisit jetësor dhe të shoqërisë.

Projekti i dytë i zhvillimit dhe fuqizimit institucional të bujqësisë në Malin e Zi (MIDAS 2), i cili financohet nga Banka Botërore, ka për qëllim të fuqizojë konkurrueshmërinë e bujqësisë dhe peshkatarisë në Malin e Zi përmes përkrahjes së rritur të organeve shtetërore në procesin e harmonizimit me kërkesat e Bashkimit Evropian. Grupi i synuar përfshinë bujqit dhe peshkatarët lokal, prodhuesit e produkteve bujqësore dhe të peshkatarisë dhe shoqatat që do të kenë dobi nga programi i granteve dhe i fuqizimit të kapaciteteve që ofrohen përmes këtij projekti.

Aktivitetet konkrete të projektit kanë të bëjnë me ndërtimin e portit të ri të peshkatarëve në anën lindore të Kepit të Gjeranave, pranë hyrjes në kanalin Port Milena. Objekti i ri i portit të peshkatarëve është projektuar në mënyrën që baseni dhe skela do të mbrohen nga depërtimi i valëve, derisa, njëkohësisht, infrastruktura e jashtme (valëkëmbësi) nuk do ta pengojë në masë të madhemënyrën e lëvizjes së prurjeve të rërës përgjatë bregut të detit (Plazhi i Madh).

Janë shqyrtuar dy pamje alternative të Portit. Duke marrë parasysh mendimin e palëve të interesuara, alternativa e dëshiruar, e cila shihet në fotografinë e mëposhtme, do të ketë mundësi të pranojë deri në 79 barka (60 barka peshkimi dhe 19 barka për rekreacion), me 12 barka tjera për rekreacion për nevojat e ankorimit sezonal. Në zonën e portit të peshkatarëve do të krijohet sipërfaqja e nevojshme e tokës e cila do të mundësojë qarkullimin dhe manovrimin e lehtë të kamionëve të vegjël, e në te do të jetë salla për përpunimin dhe ftohjen e peshkut, si dhe 60 kabina për peshkatarë.

Në këtë kontekst, Konzorciumi – ROGAN ASSOCIATES S.A. i PASECO SP LTD organizon takimin për tu konsultuar me të gjitha palët e interesuara lidhur me projektin e planifikuar, me synimet kryesore që:

  1. Të informojë opinionin për Projektin
  2. Të prezantojë rezultatet e hulumtimit si pjesë e procesit të analizës e cila do të merret parasysh gjatë hartimit të Vlerësimit të ndikimit në shoqëri dhe mjedisin jetësor
  3. Të grumbullojë informatat kthyese nga të pranishmit lidhur me këto rezultate, si dhe të shqyrtojë të gjitha opsionet dhe t’i ofrojë publikut mundësinë që të japë mendimine tij për Projektin e planifikuar.

Konsultat publike do të mbahen më 9 mars 2022, në Sallën e Madhe të Komunës së Ulqinit, me fillim në ora 11. Më shumë informata për evenimentin mund të merrni duke kontaktuar numrin e telefonit 020 482 270.

Leave a Reply

Your email address will not be published. Required fields are marked *

Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS
Përvjetori: GJYSMË SHEKULLI NGA THEMELIMI I QENDRËS NATURISTE NË ADË TË BUNËS

Këtë vit bëhet gjysmë shekulli nga fillimi i funksionimit të Qendrës naturiste në Adë të Bunës. Në korrik të vitit 1973 u pritën mysafirët e parë dhe ishin kryesisht gjermanë të sjellë nga agjencia “Miramare”.

Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT
Komuna e Ulqinit: PROJEKTI ME VLERË RRETH 20 MILION EURO FILLON NË MES TË SHKURTIT

Me rastin e fillimit të realizimit të projektit “Furnizimi me ujë dhe rregullimi i ujërave të zeza në bregdetin e Adriatikut – V, Ulqin”, kryetari i Komunës së Ulqinit Omer Bajraktari me bashkëpunëtorë

Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT
Në fillim të javës së ardhshme: KRYEMINISTRI ABAZOVIQ NË VIZITË ZYRTARE NË KOMUNËN E ULQINIT

Kryeministri i Malit të Zi, Dritan Abazoviq, në fillim të javës së ardhshme do të qëndrojë për vizitë zyrtare në Komunën e Ulqinit. Delegacioni me kryeministrin do të përfshijë edhe një sërë ministrash

Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ
Rikonstruksioni i “Mediteranit”: VILA E RE LUKSOZE ME DY PISHINA DERI NE MAJ

Kompania “Becovic Management Group” është duke punuar në rikonstruksionin e hotelit të saj “Mediteran”. Siç theksohet, deri në maj të këtij viti do të përfundojnë punimet për ndërtimin e “Ville Version”,

Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS
Ulqin: ABAZOVIQI PARALAJMËRON SË SHPJETI PERFUNDIMIN E ADAPTIMIT TË URGJENCËS

Kryeministri i Malit të Zi Dritan Abazoviq bëri të ditur që së shpejti pritet të përfundojë adaptimi dhe rindërtimi i Urgjencës në Ulqin. Sipas tij, kjo dinamikë është është dakorduar të hënën në një bisedë