Specialisti i mjekësisë urgjente pranë Entin për Ndihmë urgjente mjekësore të Malit të Zi, dr Xhihan Abazoviq, ka marrë pjesë këtë fundjavë në tubimin e madh ndërkombëtar, i cili është mbajtur në Beograd.
Në Kongresin e dytë për mjekimin e lëndimeve me pjesëmarrje ndërkombëtare, ai me një grup kolegësh nga qendrat e mëdha klinike të regjionit, ka prezantuar referatin “Protokollet dhe njohurit bashkëkohore për përdorimin e mjekësisë rigjeneruese dhe terapive autologe si qasje e re për mjekimin e plagëve kronike”.
Prezantimi ti tij për mjekimin e plagëve kronike nëpërmjet plazmës së pasuruara me trombocite (PRP) ka ngjallur interesim të madh të pjesëmarrësve të tubimit. “PRP ndahet nga mostra e gjakut të vet me teknologji të sofistikuar kështu që produkti final përmban faktorë rritës në përqendrime të larta”, tha dr Abazoviq duke theksuar që përveç për shërimin e plagëve natyrore, kjo metodë aplikohet edhe në fushën e ortopedisë, mjekësisë sportive dhe asaj estetike.
