Të dhënat zyrtare të Entit shtetëror për statistikë Monstat tregon që edhe në muajin e fundit të vitit të kaluar paga mesatare në Ulqin ishte më e ulëta në vend dhe që akoma nuk e kalon nivelin e 400 eurove, gjë që nuk është rast në asnjë komunë tjetër në Mal të Zi.
Paga mesatare e Ulqinakëve në dhjetor ishte 390 euro, dhe ishte për 15 euro më e ulët se paga mesatare në Andrijevicë.
Paga mesatare në Tivar muajin e kaluar ishte 430 euro, në Budva 467, në Podgoricë 508, derisa pagat në Tivat ishin mesatarisht më të mëdha në vend – 637 euro për një të punësuar.
