“Motoriada Ulqin 2014” do të mbahet fundjavën e parë të shtatorit, gjegjësisht më 6 dhe 7 shtator, kanë deklaruar për Portalin UL-info organizatorët e këtij manifestimi tradicional.
Tubimi i sivjetmë i motoristëve do të jetë i gjashti me radhë, ndërsa organizatorët në Moto klubin “Pirates” presin pjesëmarrjen më të masive deri tani nga vendi dhe jashtë.
Për pjesëmarrësit e këtij manifestimi do të organizohen shëtitje, rok koncertet dhe moto – lojërat, si dhe defile tradicionale rrugëve të Ulqinit.
