Axhi Ardolliqi nga Zogajt u lëndua të dielën gjatë gjuetisë në derr të egër, në zonën e shpatit të malit Mozhur.
Sipas informatave jozyrtare, atë me pushkë gjuetie padashur e qëlloi kolegu i tij Lul Tagani. Incidenti ndodhi kur Tagani gjuajti egërsirën dhe me atë rast dy saçma rikoshetuan dhe gërvishtën Ardolliqin.
Gjuetari i lënduar u dërgua në Urgjencë në Ulqin prej ku u transportua për mjekim të mëtejshëm në spitalin e Tivarit dhe nuk është në rrezik për jetën.
Siç mësojmë, Taganin e ndaloi dhe intervistoi policia. (Dan)
